Xuraman Muradova: Səni sevdim...

Səni sevdim, hər baxışda

Dünyanı unudaraq.

Əllərini əllərimdə

Son ümid tək tutaraq.

Səni sevdim, taleyimin

Ən çətin döngəsində.

Səni sevdim, bir ürəyin

Ən zərif bölgəsində.

Bu sadəcə sevgi deyil,

Bu bir ömrün səsidir.

Səni sevmək, bu həyatın

Mənə  hədiyyəsidir.

Səni sevdim, göz yaşıtək

Kirpiyimdən asılı.

Sən ömrümün ən kədərli,

Həm də ən xoş fəsılı…

Səni sevdim, bu dünyanın

Hər acı sınağında.

Səni sevdim, bir ümidin

Titrəyən çırağında.

Səni sevdim, hər nəfəsdə

Ciyərimə çəkən kimi.

Tanrı sənli bu dünyanı

Gözlərimə bükən kimi..