Xuraman Muradova - Gec zaman gələr

Gedən ömrün sükutunda pərişan bir zaman gələr,
Dönüş yoxdur bu yollardan, könül viran zaman gələr.

Bağışlanmaz bəzi səhvlər, silinməz qəlbdəki dağlar,
Tökülsə üzr üçün yaşlar, dönər hicran zaman gələr.

Dəyər olmaz kimsələrdə nə mənası, nə hörməti,
Unutmaq tək nicat olar, ötər pünhan zaman gələr.

Susar dil, soyuyar hisslər, Xuraman, bil bu hikməti,
Gecikmiş peşmanlıq bitər, amma çox gec zaman gələr...
Amma çox gec zaman gələr.