Xuraman Muradova - GEC QALDIQ

Sən gözlədin mən yazım, mən də səni gözlədim,
Yazılmayan məktublara… heyif, gec qaldıq.

Susmuş iki sevdalı, qürur çəkdi araya,
Deyilməyən o sözlərə… heyif, gec qaldıq.

Vaxt səssiz ötüb keçdi, soldu ömrün baharı,
Qayıtmayan o illərə… heyif, gec qaldıq.

Qismət deyilmiş, demək, o sevdanı yaşamaq,
Qürur qalib, sevgi məğlub… heyif, gec qaldıq.

Bu son ümid yerimiz, bu da son dayanacaq,
Getdi ömrün qatarı… heyif, gec qaldıq.

Xuraman, yazılmayan o məktub qaldı arada,
Yaşanmamış sevgimizə… heyif, biz gec qaldıq.