Xuraman Muradova: "Salam sənə, Əziz Vətən!"

Xuraman Muradova: "Salam sənə, Əziz Vətən!"

Salam sənə əziz Vətən  

Özbəkistan, Özbəkistan!  

      (Əbədi bağımsızlıq diləklərimlə Qardaş Özbəkistana həsr edirəm...)  

Sənin ulu məhəbbətin,  

Tariximin nişanəsi!

Sarayların duvarında,

Ucaldılır Quran səsi.  

 Səmərqəndim ey  Daşkəndim,   

 Könül  yurdumda başkəndim!  

Əmir Teymur, fatehləri,

Tarixində bir yaraşıq.  

Parlar uldızların kimi  

Hər yanında gür bir ışıq.  

Sənin Xarezm’in, Buxara’n,

Biz Türklərə ana vətən!  

Ərənlərin diyarıdır,  

Evliyalar bucağıdır,  

Qadim mədrəsələrin,  

Həqiqətin ocağıdır…

Ey  Kokandım Andincan’ım,  

 Vətənə  qurban bu canım!   

Qanla yuduq torpaqları , 

Birlikdə ağlayıb güldük.  

Bir ananın evladıyıq,  

Eyni candan cana gəldik.

Namangana, Fərqanə’yə  

Salam olsun can vətənə!  

Azerbaycan’ım da yazdı,

Şanlı zafər nəğməsini.

Birgə yayaq bu  dünyaya,

Turan elin haqq səsini...  

Qaraqalpaq, Kaşkadərya’m  

 Mənim  yurdum, mənim dünyam!  

Mənim  gözəl məmləkətim,   

Bağrında qurulsun Turan.  

Minarələrdən yüksəlsin,

Göylərə mübarək azan!  

 Xivədən, Surxandəryadan,  

 Əsla ayrılmaz ki,  bu can!   

Sənin şanlı bayrağına  

Zaval uğramasın aman!  

Dualarla salamlasın,  

Səni, bu qızın Xuraman!  

  Salam sənə əziz vətən!   

  Özbəkistan! Özbəkistan!