Xuraman Muradova. Azərbaycan

19 March 2025 Şeirlərim

Əzəldən bir qardaş kimi,

Yol gəlib, tarix yazmısız.

Bu dünyanın haqq səsində,

Böyük şöhrət qazanmısız.

Sizlə gözəlləşir cahan,

Azərbaycan, Özbəkistan!

Turana açılan sabah,

Haqqınızdan nur alıbdı.

Bu qardaşlıq birliyiniz

Turanlığa yol salıbdı.

Bir ürəkdə iki cahan i

Azərbaycan, Özbəkistan.

Vətən üçün söz mülküdür,

Nizamisi, Nəvaisi.

Hər birisi bir xəzinə,

Hər birinin öz "Xəmsə"si.

Xalqına olubdu dastan,

Azərbaycan, Özbəkistan!

Özbək ədəbi irsinin

Məhəmməd Babur dühası.

"Baburnamə" əsəriylə

Yaradıbdır söz dünyası.

Könüllərə olub sultan,

Azərbaycan, Özbəkistan.

Çoxəsrlik tarixiniz

Türk elinə bir örnəkdir.

Amalınız, qüdrətiniz

Gələcəyə bir gerçəkdir

Sizinlə səsləşir Turan,

Azərbaycan, Özbəkistan!

Ərənliyin tarixində

Bir dünyalıq adınız var.

Bir qardaş tək Turan adlı

Sevdanız var, andınız var.

Fəxr edir sizlə Xuraman!

Azərbaycan, Özbəkistan!