Sənə məktub yazacam

17 February 2025 Şeirlərim

Sənə məktub yazacam...

Yazacam şirin dillə.

Könlünü ovunduran

Yazacam, üç-beş cümlə.

Sənə məktub yazacam...

Yağışın yağmasından.

Küləyin əsməsindən,

Günəşin doğmasından…

Nəbilim daha nədən,

Yazılası çox şey var….

Amma yazmayacam mən,

Sənə olan sevgimdən...

Sənə məktub yazacam,

Ya bu gün, ya da sabah.

Əsas odur yazacam,

Amma oxu, sən Allah.

Sənə məktub yazacam,

Xatirəmdəki izdən.

Sənə məktub yazacam,

Yerdən, göydən, dənizdən.

Sevdiyim nələr varsa

Yazacağam ondan mən.

Xəyallarda baş alıb

Gedən ümidlərimdən.

Sənə məktub yazacam,

Səndən uzaq yerlərdən.

Sənə məktub yazacam,

Sənsiz keçən günlərdən.

Amma yazmayacam mən

Sənə olan sevgimdən.