Xuraman Muradova: Tarix yazan Sərkərdənin arxasında dayanan qeyrətli Türk Xatunu Mehriban xanım Əliyevanın doğum gününü təbrik edirik!

Tarixin ən ağır sınaqlarından keçən bir dövrdə Ulu Öndər Heydər Əliyevin yanında mətanətlə dayandı, dövlətçilik ideallarına sədaqəti ilə seçildi. Vətən müharibəsinin od-alovundan Müzəffər Ali Baş Komandan, Qarabağın fatehi İlham Əliyevlə çiyin-çiyinə keçdi.
Zəfərimizin yaratdığı sonsuz qürur və başucalığı ilə Azərbaycan qadınının adını türk tarixinin ən seçilən qadınları sırasında ucaltdı. Vətənə sədaqəti, dövlətə bağlılığı, xalqa sevgisi, mərhəmətli və nəcib fəaliyyəti ilə milyonların rəğbətini qazandı.
Bu, Azərbaycanın Birinci vitse-prezidenti, Azərbaycan xalqının sevimlisi Mehriban Əliyevadır!
Hörmətli Mehriban xanım, doğum gününüz mübarək! Sizə  cansağlığı, ailə səadəti və ölkəmizin inkişafı naminə şərəfli fəaliyyətinizdə yeni uğurlar arzulayırıq!